रास्वपा लुम्बिनीको सभापतिमा शालिकाराम घिमिरे निर्वाचित

रूपन्देही । राष्ट्रिय स्वतन्त्र पार्टी (रास्वपा)को लुम्बिनी प्रदेश सभापतिमा शालिकराम घिमिरे निर्वाचित भएका छन्। उनी यसअघि प्रदेश समितिको उपसभापति थिए। शुक्रबार राति सम्पन्न मतदानको मतगणना शनिबार बिहान सकिएको हो।

सभापति पदका लागि ६ जनाबीच प्रतिस्पर्धा भएको थियो। कुनै पनि उम्मेदवारले स्पष्ट बहुमत प्राप्त गर्न नसकेपछि सबैभन्दा बढी मत ल्याउने शालिकराम घिमिरे र गोपाल घिमिरेबीच दोस्रो चरणको मतदान गर्ने तयारी गरिएको थियो। तर अन्तिम समयमा सहमति जुटेपछि शालिकराम सर्वसम्मत रूपमा सभापतिमा निर्वाचित भएको निर्वाचन समिति सदस्य गुनाराम घिमिरेले जानकारी दिए।