रोकिराखेको ट्याक्टरलाई ठक्कर दिँदा मोटरसाइकल चालक पौँदारको मृत्यु

मोरङको सुनवर्षी नगरपालिका–९ मलढैयास्थित झपडतल–डाइनिया हुलाकी सडक खण्डमा बिहीबार साँझ भएको सवारी दुर्घटनामा एक युवकको मृत्यु भएको छ।

झपडतलबाट डाइनियातर्फ जाँदै गरेको मे.७प. १०२९ नम्बरको मोटरसाइकल अनियन्त्रित भई बाटो छेउमा बिग्रिएर रोकिएको को.१त. ११०५ नम्बरको ट्याक्टरको पछाडि ठोक्किँदा मोटरसाइकल चालक भारतका नवीन कुमार पौँदार गम्भीर घाइते भएका थिए।