केटीका कारण ट्रोल भएपछि ट्रुडोले भने : ‘ब्वाईफ्रेण्ड’को कर्तव्य निभाएको हुँ, समर्थन क्यानडालाई नै छ

यतिबेला सन् २०२६ को फिफा विश्वकपको चर्चाबिच क्यानडाका पूर्वप्रधानमन्त्री जस्टिन ट्रुडो र पप स्टार केटी पेरी पनि सामाजिक सञ्जालमा चर्चाको विषय बनेका छन्।

अमेरिकाको लस एन्जलसस्थित सोफाइ स्टेडियममा आयोजित फिफा विश्वकप २०२६ को उद्घाटन समारोहमा प्रेमिका केटी पेरीको प्रस्तुतिलाई साथ दिन पुगेका ट्रुडोले स्पष्टीकरण दिनुपरेको छ। आफ्नो देश क्यानडाको ऐतिहासिक पहिलो घरेलु विश्वकप खेल छाडेर अमेरिकी टोलीको खेल हेर्न लस एन्जलस पुगेपछि क्यानेडियन फ्यानले आलोचना गरेका थिए।