बारा जिल्ला अदालतमा प्रधानन्यायाधीशको निरीक्षण, सेवा सुधार र डिजिटल न्याय प्रणालीमा जोड

बारा । प्रधानन्यायाधीश डा. मनोजकुमार शर्माले न्यायिक सेवा छिटो, पारदर्शी र प्रविधिमैत्री बनाउन बारा जिल्ला अदालतलाई निर्देशन दिए । शनिबार अदालतको अनुगमन तथा निरीक्षणका क्रममा उनले पुरानो कार्यशैली परिवर्तन गरी आधुनिक प्रविधिको प्रयोगमार्फत सेवा प्रवाह सुधार गर्नुपर्नेमा जोड दिए ।

उनले सेवाग्राहीलाई अनावश्यक झन्झट नदिई मुद्दा तथा अन्य न्यायिक काम कारबाहीलाई छिटो र प्रभावकारी ढंगले टुंग्याउन कर्मचारी तथा न्यायिक निकायलाई सक्रिय भूमिका निर्वाह गर्न आग्रह गरे ।