जर्मनीलाई रोकेर हंगेरीले अंक खोस्यो, रेलिगेशन प्लेअफमा राहत

एजेन्सी । युईएफए नेसन्स लिगमा च्याम्पियनसिप प्लेअफ सुरक्षित गरेको जर्मनी अंक बाँड्नु परेको छ । मंगलबार राती भएको आफ्नो छैठौं खेलमा जर्मनीलाई हंगेरीले १-१ को बराबरीमा रोकेर अंक खोसेको हो ।

यो बराबरीले हंगेरीलाई केही राहत मिलेको छ । उसले रेलिगेशन प्लेअफ खेल्ने सम्भावना बलियो बनाएको छ । दोस्रो आधी (हाफ)पछि मध्यपंक्तिका फेलिक्स नमेचाले जर्मनीका लागि गोल गरेका थिए । निकै प्रतिस्पर्धात्मक खेलको निर्धारित ९० मिनेट सकिएर थपिएको ५ मिनेटसम्म पनि हंगेरीले गोल फर्काउन नसकेपछि समय थप भएको थियो । अतिरिक्त समयको ९ औं मिनेटमा हंगेरीकातर्फबाट पनि मध्यपंक्तिका डोमिनिक स्जोबोस्ज्लाईले गोल फर्काएपछि खेल १-१ को बराबरीमा टुंगिएको हो ।