पहिलो हाफमा अष्ट्रेलियाको अग्रता, इरानकुन्डाको गोलले टर्की दवावमा

काठमाडौं– भ्यानकुभरस्थित बीसी प्लेस स्टेडियममा जारी फिफा विश्वकप २०२६ को समूह ‘डी’ अन्तर्गतको खेलमा अष्ट्रेलियाले पहिलो हाफ सकिँदा टर्कीमाथि १–० को अग्रता बनाएको छ ।

खेलको २७औँ मिनेटमा युवा फरवार्ड नेस्टोरी इरानकुन्डाले उत्कृष्ट काउन्टर अट्याकलाई गोलमा परिणत गर्दै अष्ट्रेलियालाई अग्रता दिलाए । पाउल ओकोन–एङ्स्टलरको लामो पासमा इरानकुन्डाले संयमित फिनिस गर्दै टर्कीको जाली चुमाएका थिए ।

पहिलो हाफभर टर्कीले बल नियन्त्रणमा स्पष्ट दवदवा बनाए पनि अष्ट्रेलियाको संगठित रक्षा पङ्क्ति भेद्न गर्न सकेन । टर्कीका कप्तान हाकान चाल्हानोग्लु र युवा स्टार अर्दा गुलरले आक्रमण बुन्ने प्रयास गरे पनि गोल निकाल्न सफल भएनन् ।

खेलको तथ्यांकअनुसार टर्कीसँग करिब ६९ प्रतिशत बल नियन्त्रण रहेको छ भने अष्ट्रेलियाले सीमित अवसरलाई सदुपयोग गर्दै अग्रता जोगाएको छ । टर्कीले केही खतरनाक प्रहार गरे पनि अष्ट्रेलियाका गोलकिपर प्याट्रिक बीचले उत्कृष्ट बचाउ गर्दै टोलीलाई अघि राखेका छन् ।

अब दोस्रो हाफमा टर्की पुनरागमनको खोजीमा रहने छ भने अष्ट्रेलिया महत्त्वपूर्ण तीन अंकतर्फ अग्रसर देखिएको छ ।