इन्द्रजात्रामा लाखेको रौनक- भित्री बस्तीमा पनि देखाइयो विभिन्न नाच

काठमाडौं । काठमाडौंका भित्री बस्तीमा शनिबार लाखे नाच, हल्चोक आकाश भैरव र पुलुकिसी नाच देखाइयो ।

इन्द्रजात्रा शुरू भएको पाँचौं दिन शनिबार काठमाडौंका भित्री बस्तीका विभिन्न स्थानमा छुट्टाछुट्टै रूपमा सो नाचहरू देखाइएको हो । नाचको प्रदर्शनका क्रममा बजाइने फरकफरक बाजा र धुनहरूले माहोललाई निकै उल्लासमय बनाएको थियो । सवःभकु हल्चोक आकाश भैरवनाच परिक्रमा गर्ने क्रममा विभिन्न श्रद्धालु भक्तजनले ठाउँठाउँमा विशेष पूजाआजा गरेका थिए।