एक वर्षमा सात हजार ५४७ विपद्का घटना

काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार, एक वर्षको अवधिमा देशभर सात हजार ५४७ विपद्का घटना भएका छन् । विपद्का कारण १३ हजार ५०४ परिवार प्रत्यक्ष रूपमा प्रभावित भएका छन् ।

बाढी, पहिरो, भारी वर्षा, चट्याङ, वन डढेलो, हावाहुरी, हिउँ पहिरो जस्ता विपद् र विपद्जन्य घटनाका कारण ठूलो मात्रामा जनधनको क्षति हुने गरेको छ । सामान्य सावधानी अपनाउँदा समेत रोक्न सकिने आगलागीको घटना सबैभन्दा धेरै रहेको प्राधिकरणको विवरणमा उल्लेख छ ।