ट्रान्सफर्मर निर्यातले देखाएको सम्भावना

ट्रान्सफर्मर निर्माण उत्पादन गर्दै आएको नेपाल इन्जिनियरिङ कम्पनी लिमिटेड ‘निक’ले पुनः भुटानमा ट्रान्सफर्मर निर्यात सुरु गरेको छ । कुनै समय ट्रान्सफर्मरलागयत विद्युत् उत्पादन र वितरणमा प्रयोग हुने सबै सामग्री नेपालले दोस्रो मुलुकसँग किन्दै आएको थियो । प्रविधिको विकाससँगै निजी क्षेत्रको प्रयासमा उत्पादन भएको ट्रान्सफर्मर विदेशमा निर्यात हुनु नेपालका लागि आफैंमा सुखद खबर हो ।

यस्ता उपकरण निर्यातले धनराशी बाहिरिनबाट मुलुकलाई जोगाउँदैन मात्रै नेपाली उत्पादनको विश्वव्यापीकरणमा पनि प्रभाव पार्छ । आज भुटानमा उपकरण निर्यात गर्ने कम्पनीले भोलि अन्य मुलुकमा पनि निर्यातका लागि सम्भावनाको ढोका खुला गरेको छ । विदेशमा सामान निर्यात प्रक्रिया प्रतिस्पर्धाको आधारमा हुने भएकाले नेपाली व्यवसायीलाई प्रतिस्पर्धी बनाउन पनि भूमिका निर्वाह गर्छ ।