रास्वपाका वडा सभापतिको चन्दा पत्र भाइरल, प्राविधिक गल्ती भएको दाबी

धनगढी । राष्ट्रिय स्वतन्त्र पार्टी (कञ्चनपुर) कृष्णपुर नगरपालिका वडा नम्बर १ का वडा सभापति सुरेश बोहराले एक क्रसर उद्योगसँग आर्थिक सहयोग मागेको पत्र सामाजिक सञ्जालमा भाइरल भएपछि पार्टीभित्र र बाहिर चर्चा सुरु भएको छ।

भाइरल भएको पत्रमा रास्वपाको आगामी केन्द्रीय महाधिवेशनका लागि आर्थिक सहयोग स्वरूप ३० हजार रुपैयाँ माग गरिएको छ। सभापति बोहराले पत्र आफ्नो भए पनि त्यसमा उल्लेखित विषयवस्तु प्राविधिक गल्ती भएको दाबी गरेका छन्।