शिथिल अर्थतन्त्रलाई गति दिने मौद्रिक नीतिको खोजी

काठमाडौँ । नेपालको वर्तमान आर्थिक परिदृश्य एउटा अनौठो विरोधाभासबाट गुज्रिरहेको छ । बाह्य क्षेत्रका सूचकहरू—विदेशी मुद्रा सञ्चिति, रेमिट्यान्स प्रवाह र शोधनान्तर स्थिति—इतिहासकै बलियो अवस्थामा छन् । तर, आन्तरिक अर्थतन्त्र भने निकै शिथिल छ ।

बैंकहरूमा पैसा थुप्रिएर ऐतिहासिक रूपमै उच्च तरलता जम्मा भएको छ । तर बजारमा लगानीको माग ठप्प प्रायः छ । आन्तरिक उत्पादन र उपभोगमा आएको मन्दीले व्यवसायीको सटर बन्द भइरहेका छन् भने बैंकहरूको खराब कर्जा बढ्दो क्रममा छ ।