उद्घाटन गरेको १० दिनमै भासियो पुल

नयाँ दिल्ली । बिहारमा नवनिर्मित पुल भासिएको छ । अचम्मको कुरा के छ भने १० दिन अघि मात्रै यो पुलको उद्घाटन भएको थियो ।

पुलको माथिल्लो सतहको हिस्सा करिब एक फिटसम्म भासिएको छ । यो घटना पछि निर्माणको गुणस्तरमाथि गम्भीर प्रश्न उठिरहेको छ । यो रेलवे ओभरब्रिज लगभग २६ करोड ४० लाख भारुको लागतमा बनाइएको थियो । पुलको कुल लम्बाइ लगभग ९५० मिटर रहेको बताइएको छ । यो रेलवे क्रसिङमा लामो ट्राफिक जाम कम गर्न र शहर र वरपरका क्षेत्रहरूमा सहज ट्राफिक प्रवाह सुनिश्चित गर्न निर्माण गरिएको थियो ।