कोशी खेलकुद विकास बोर्डको उपाध्यक्षमा श्रेष्ठलाई नियुक्त गर्न माग

विराटनगर । बक्सिङका पूर्व खेलाडी तथा खेलकुद अभियन्ता अभिषेक श्रेष्ठ लाई कोशी प्रदेश खेलकुद विकास बोर्डको उपाध्यक्ष पदमा नियुक्त गर्न विभिन्न खेलकुद संघसंस्थाहरूले प्रदेश सरकारसमक्ष माग गरेका छन् ।

नेपाल बक्सिङ संघ कोशी प्रदेशका उपाध्यक्ष तथा नेपाल लोकतान्त्रिक खेलकुद संघ कोशी प्रदेशका अध्यक्ष समेत रहेका श्रेष्ठ खेलाडी उत्पादन, प्रशिक्षण तथा खेलकुद विकासमा सक्रिय रहँदै आएका छन् । खेलकुद संघसंस्थाहरूले उनको अनुभव, नेतृत्व क्षमता र खेल क्षेत्रप्रतिको योगदानले प्रदेशको खेलकुद विकासमा महत्वपूर्ण भूमिका खेल्ने विश्वास व्यक्त गरेका छन्।