गायक अमात्यको नक्कली लालपूर्जा धितो राखेर १९ करोड ऋण दिने प्रकरणमा सीईओकै संलग्नता

काठमाडौं । कुमारी बैंकमा नक्कली लालपुर्जा धितो राखेर १९ करोड रुपैयाँ ऋण लगानी गरेको प्रकरणमा कार्यबाहक प्रमुख कार्यकारी अधिकृत अनुजमणि तिमल्सिनाको संलग्नता देखिएको छ ।

गायक योगेश्वर अमात्यको नाममा रहेको बाराको १२ बिघा जमिनको नक्कली लालपुर्जा धितो राखेर कुमारी बैंकबाट १९ करोड रुपैयाँ ऋण लिइएको घटनामा प्रमुख कार्यकारी अधिकृत तिमल्सिनाको संलग्नता देखिएको नेपाल राष्ट्र बैंकको प्रारम्भिक अनुसन्धानले देखाएको हो ।