नागरिकताको नयाँ विधेयक संसदमाः विवादित विषय समेटिएन, अंगीकृतको प्रावधान संशोधन नहुने

काठमाडौंः सरकारले वैवाहिक अंगीकृत नागरिकतालगायतका विवादित विषयलाई थाती राखेर नेपाल नागरिकता ऐन २०६३ संशोधन विधेयक पुनः संसद्मा दर्ता गरेको छ। साढे चार वर्षदेखि प्रतिनिधि सभामा विचाराधीन रहेको विधेयक शुक्रबारै फिर्ता भएको थियो। फिर्ता लगत्तै नयाँ विधेयक दर्ता भएको हो। नयाँ विधेयकले दलहरुबीचमा विवाद रहेका विषयलाई समेटेको छैन।

विधेयकले नयाँ संविधान अनुसारका नागरिकताका प्रावधानलाई संघीय कानुन अनुसार अघि बढाएको छ। यस्तै, गैर आवासीय नेपालीलाई नागरिकता दिने संविधानको व्यवस्था अनुसार विधेयकमा प्रस्ताव गरिएको छ।