गाउँमा खाने मुखै छैनन् !

बाजुरा । बाजुरा जिल्लाको नेपाल खाद्य व्यवस्था तथा व्यापार कम्पनी लिमिटेडले गत आर्थिक वर्षको साउन र भदौमा बिक्री गरेको तुलनामा यस आवमा ५० प्रतिशत व्यापार घटेको छ । गाउँमा खाद्यान्न खाने जनशक्ति नभएकाले व्यापार घटेको हो ।

गत आवको डेढ महिनामा १ हजार ६ सय ६ क्विन्टल ७५ किलो खाद्यान्न बेचको नेपाल खाद्य व्यवस्था तथा व्यापार कम्पनी लिमिटेडले चालू आवको यही अवधिमा ८ सय २६ क्विन्टल ८४ किलो खाद्यान्न मात्र बिक्री गर्न सकेको छ ।