शम्भुजित बास्कोटा आलोक सुरज स्मृति पुरस्कारबाट पुरस्कृत

काठमाडौँ । आलोक सुरज स्मृति पुरस्कार २०८० बाट अग्रज सङ्गीतकार शम्भुजित बास्कोटा पुरस्कृत भएका छन् । नेपाल म्युजिक भिडियो निर्देशक समाजले आफ्नो दोस्रो वार्षिक उत्सवको अवसरमा आइतबार काठमाडौँमा आयोजित एक समारोहबीच संस्कृति पर्यटन तथा नागरिक उड्ययन मन्त्री सुदन किराँतीले ११ हजार १११ रुपैयाँ सहितको सो पुरस्कार बास्कोटालाई प्रदान गरे ।

नेपालमा पहिलो म्युजिक भिडियोको निर्देशन गरेर म्युजिक भिडियोको यात्रा शुभारम्भ गर्दै नेपाली गीत संगीत र म्युजिक भिडियोको विकाशमा अतुलनीय योगदान दिएको भन्दै बास्कोटालाई पुरस्कार प्रदान गरिएको हो ।