काठमाडौं उपत्यकामा वर्षा जारी, देशका विभिन्न स्थानमा भारी वर्षाको पूर्वानुमान, यी क्षेत्रमा बाढीको अलर्ट

काठमाडौं : गाउँगाउँ पुगेकाहरु दसैं मनाएर सहर फर्कने क्रम शुरु भएको छ। टीका ग्रहणका लागि विभिन्न स्थान पुग्ने क्रम पनि जारी छ। यद्यपि निरन्तर झरीका कारण आउजाउमा भने समस्या देखिएको छ।

यसपटक दसैं अवधिभर दक्षिण-पश्चिम बंगालको खाडी र आन्द्र प्रदेश आसपास बनेको न्यून चापीय क्षेत्रको प्रभाव परेकोले नेपालभर वर्षा जारी रह्यो। आज बिहीवार बिहानैबाट देशका विभिन्न स्थानमा वर्षा भइरहेको जल तथा मौसम विज्ञान विभागको मौसम पूर्वानुमान महाशाखाले जनायो।