साउथह्‍याम्पटनमाथि लिभरपुलको सहज पुनरागमन जित

२४ फागुन, काठमाडौं । इंग्लिस प्रिमियर लिग फुटबलमा लिभरपुलले सहज पुनरागमन जित निकालेको छ । शनिबार राति घरेलु मैदानमा भएको खेलमा लिभरपुलले साउथह्‍याम्पटनलाई ३-१ गोलअन्तरले हराएको हो ।

पहिलो हाफमा पछि परेको लिभरपुलले दोस्रो हाफमा ३ गोल फर्काएको हो । लिभरपुलको जितमा मोहमद सालाहले २ तथा डार्विन नुनेजले १ गोल गरे । साउथह्‍याम्पटनका लागि विल स्मलबोनले १ गोल गरे ।