नेपाल-भारतबीच एआई र उदाउँदो प्रविधिमा सहकार्य विस्तार, काठमाडौंमा विशेष सेमिनार

काठमाडौं । नेपाल र भारतबीच उदाउँदा प्रविधि तथा आर्टिफिसियल इन्टेलिजेन्स (एआई) का क्षेत्रमा सहकार्य विस्तार गर्ने उद्देश्यले काठमाडौंमा एक विशेष सेमिनार आयोजना गरिएको छ ।

नेपालस्थित भारतीय दूतावास र नेपाल–भारत उद्योग वाणिज्य सङ्घ (एनआईसीसीआई) को संयुक्त आयोजनामा ‘उदीयमान प्रविधिमा भारत–नेपाल साझेदारी: एआई सहकार्यका लागि द्विपक्षीय अवसरहरूको खोजी’ विषयक सेमिनार सम्पन्न भएको हो । कार्यक्रममा दुवै देशका सरकारी प्रतिनिधि, व्यवसायी, प्राज्ञिक क्षेत्र तथा स्टार्टअप समुदायका प्रतिनिधिहरूको उल्लेखनीय सहभागिता रहेको थियो ।