मन्त्रिपरिषद्लाई छिटो पूर्णता देऊ
rajdhanidaily.com · Wed Sep 15 23:19:46 GMT 2021
भदौ २३ गतेबाट पूर्णरूपमा विस्तार हुने भनिएको मन्त्रिमण्डल अझै पनि विस्तार हुन सकेको छैन । यो अवधिसम्म अपूर्ण सरकारले ६० दिन पार गरिसकेको छ । तत्कालीन ओली सरकारविरुद्ध पाँच दलीय गठबन्धन बनेलगत्तै सरकारलगायतका सबै कुराहरूमा प्याकेजमा सहमति भएको र ओली सरकारविरुद्ध निमार्ण हुने देउवा सरकारले सबै समस्याको समाधान दिने र सरकार पनि उच्च गतिका साथ अगाडि बढ्ने विश्वास गरिएको थियो । ओली सरकार ढलेपछि पनि निकै उत्साहका साथ सरकार निर्माण र विस्तारमा जुटेका दलहरू अझैं पनि मन्त्रिमण्डल विस्तार गर्नसम्म सकिरहेका छैनन् । देशलाई अग्रगति प्रदान गर्ने दलहरूको आशयलाई त्यतिबेला निकै सकारात्मक रूपमा हेरिएको थियो र निकै आशासमेत गरिएको थियो ।
तर, लामो समय बितिसक्दा पनि सरकार विस्तार हुन नसक्नु गठबन्धनमा सामेल भएका पार्टीहरूले आफ्नो तर्फबाट मन्त्रीहरूको नामावलीसमेत दिन नसक्नु अहिलेको मुख्य समस्या हुन गएको छ । यसले गठबन्धन सरकारमै ठूलो समस्या रहेको देखाउँछ । ‘दिनको संकेत बिहानीले गर्छ’ भने झैँ यो गठबन्धन सरकारले पनि खासै सकारात्मक संकेत देखाउन सकेको छैन ।
स्रोतमा पूरा पढ्नुहोस् (rajdhanidaily.com)