‘वल्र्ड प्यासेन्ट सेफ्टी डे’ को सान्दर्भिकता

सदाझैँ यस वर्ष पनि विश्वभर सेप्टेम्बर १७ मा ‘वल्र्ड प्यासेन्ट सेफ्टी डे’ मनाइयो । यो वर्षको नारा ‘बिरामीको पक्षमा आवाज उठाऊँ’ (Elevate the voice of patients!) रहेको छ ।

यसको उद्देश्य स्वास्थ्य सेवासँग सरोकार राख्ने पक्षहरु– बिरामी, परिवार, नीति निर्माता, स्वास्थ्य सेवाप्रदायक नेतृत्व वर्ग, स्वास्थ्यकर्मी र बिरामीसँग सम्बन्धित संघसंस्थाहरुले आपसी सहकार्य गरी स्वास्थ्यसम्बन्धी नीति निर्माण गर्ने र विश्वभरिका बिरामीको आवश्यकताको आधारमा उनीहरुको स्वास्थ्य उपचारसम्बन्धी सुरक्षा प्रदान गर्न प्रभाव पार्ने नै हो ।बिरामीको सुरक्षाप्रति मानिसको जागरुकता वृद्धि गर्नु, बिरामीलाई गलत औषधि र उपचार हुनबाट बचाउनु हो । विरामीलाई आफूखुशी औषधि किनेर प्रयोग नगर्न, अनधीकृत व्यक्ति तथा संस्थामा गई औषधि उपचार नगर्न र दर्तावाल चिकित्सक वा स्वास्थ्य संस्थाबाट मात्र सेवा लिन प्रेरित गर्नु पनि हो । साथै बिरामीलाई चिकित्सकले दिएको निर्देशन बमोजिम औषधि सेवन गर्न प्रेरित गर्नु पनि हो ।