मण्डला थिएटरमा सम्बाद बिहिन नाटक ‘गुलाफ’

काठमाडौं । दुई कलाकार दीया मास्के र सरिता साह यतिबेला नयाँ नाटक ‘गुलाफः यशोधराको जागरण यात्रा’को अभ्यासमा व्यस्त छन् । मण्डला थिएटरमा सोमबार नाटकको अभ्यास गर्दा उनीहरुले सम्बाद बोलेनन् । बरु उनीहरु एकोहोरो चरित्रमा डुबेको देखियो । यो नाटकको मुख्य कलाकार पनि यी दुई नै हुन् ।

यो नाटकको मञ्चन नेपालबाट सुरु भएर विभिन्न देशमा प्रदर्शन गरिने भएको छ । ११ पुसमा मण्डला नाटकघर थापागाउँमा पहिलो प्रदर्शन गरिने यो नाटकलाई त्यसपछि युरोपका शहरहरुमा मञ्चन गरिने भएको छ । यो नाटकलाई नाटक सोमबारबाहेक ११ पुसबाट २२ पुषसम्म हरेक दिन ४ बजे र शनिबार थप मञ्चन दिउँसो १ बजे पनि गरिने आयोजक पक्षले जनाएको छ ।