भाजपा र कांग्रेसलाई पछि पार्दै सामाजिक सञ्जालमा ककरोच जनता पार्टीको कीर्तिमान

काठमाडौं- पछिल्लो समय सामाजिक सञ्जाल इन्स्टाग्राममा ‘ककरोच जनता पार्टी’ नामक अकाउन्ट कीर्तिमानी गतिमा भाइरल भइरहेको छ । पाँच दिनभन्दा कम अवधिमा यस अकाउन्टलाई इन्स्टाग्राममा १ करोड ५० लाखभन्दा बढी मानिसहरूले फलो गरेका छन् । यससँगै ककरोच जनता पार्टीले भारतका दुई ठुला राजनीतिक दलहरू भारतीय जनता पार्टी (भाजपा) र भारतीय राष्ट्रिय कांग्रेसको आधिकारिक इन्स्टाग्राम ह्यान्डललाई समेत सामाजिक सञ्जालमा पछाडि पारिदिएको छ ।