‘पूर्वाधार विकास प्रणाली सुधार कार्यदल’ले किन बुझाउन सकेन प्रतिवेदन ?

काठमाडौँ । पूर्वाधार विकासको विद्यमान प्रणालीका विभिन्न पक्षको पुनर्संरचना र आवश्यक सुधारका लागि अध्ययनसहित सरकारलाई उचित सल्लाह सुझाव दिनेगरी बनेको ‘पूर्वाधार विकास प्रणाली सुधार कार्यदल’ले हालसम्म आफ्नो अध्ययन प्रतिवेदन बुझाउन सकेको छैन । गत माघमा पूर्वाधारविद् डा.सूर्यराज आचार्यको संयोजकत्वमा ९ सदस्यीय कार्यदल बनेको थियो ।

२०७९ मङ्सिरमा सम्पन्न आमनिर्वाचनपछि बनेको नेकपा माओवादी केन्द्र नेतृत्वको सरकारमा उपप्रधानसहित भौतिक पूर्वाधार तथा यातायात मन्त्रालयको जिम्मेवारी नारायणकाजी श्रेष्ठले सम्हालेलगत्तै मुलुकको भौतिक पूर्वाधार, विकास निर्माण र सोको प्रणाली सुधार गर्नेगरी आवश्यक अध्ययन गर्न एउटा छुट्टै टास्क फोर्स बनाएका थिए । उक्त टास्कफोर्सको नाम थियो ‘पूर्वाधार विकास प्रणाली सुधार कार्यदल’ ।