राष्ट्र बैंकको निरीक्षणमा भेटिए बैंकिङ क्षेत्रमा गम्भीर कमजोरी

नेपाल राष्ट्र बैंकले सार्वजनिक गरेको बैंक सुपरिवेक्षण प्रतिवेदनले बैंक तथा वित्तीय संस्थाहरूमा बढ्दो खराब कर्जा, कमजोर संस्थागत सुशासन, कर्जा नवीकरणमार्फत वास्तविक अवस्था लुकाउने प्रवृत्ति, तरलता जोखिम तथा नियामकीय विवरणमा त्रुटि जस्ता गम्भीर समस्या औंल्याएको छ।

आर्थिक वर्ष २०८१-८२ सम्मको निरीक्षणका आधारमा तयार गरिएको प्रतिवेदनअनुसार पछिल्ला वर्षहरूमा बढेको खराब कर्जाले बैंकहरूको पुँजी क्षमतामाथि दबाब बढाएको छ।