विभिन्न स्थानमा व्यक्ति मृत भेटिए

प्रहरीले देशको विभिन्न ठाउँबाट व्यक्ति मृत अवस्थामा भेटेको छ । प्रहरी प्रधान कार्यालयका अनुसार कास्कीको पोखरा महानगरपालिका –५ मालेपाटन प्रगतीमार्ग बस्ने ५१ वर्षीय जयलाल बराल आफ्नै घरमा मंगलबार मृत अवस्थामा भेटिए ।

त्यस्तै, तनहुँको भानु नगरपालिका –१ साल बिस्ने बस्ने ५० वर्षीय मनबहादुर आले सोही ठाउँस्थित मर्याङदी नदीको किनारमा मंगलबार मृत अवस्थामा फेला परेका छन् । सोहीअनुसार सल्यानको छत्रेश्वरि गाउँपालिका–७ तुषारे बस्ने मित्रलाल रानाको घरमा बर्दिया बाँसगढी नगपालिका –८ ककौरा बस्ने ६७ वर्षीय रामबहादुर बिक मंगलबार मृत अवस्थामा फेला परेका छन् ।