कम्बोडिया जाने टोलीमा पाँचभन्दा बढी दलका १३ जना प्रतिनिधि छौँ : राजन भट्टराई

काठमाडौँ । नेकपा एमालेका स्थायी कमिटी सदस्य राजन भट्टराईले आफू कम्बोडियामा हुने आइक्यापको १२ औं अधिवेशनमा भाग लिन त्यसतर्फ गएको बताएका छन् । बुधबार साँझ सामाजिक सञ्जालमार्फत नेता भट्टराईले सो कुराको जानकारी दिएका हुन् ।

उनले सो कार्यक्रममा भाग लिन नेपालका ५ भन्दा बढी दलका १३ जना प्रतिनिधि गएको समेत बताएका छन् । उनले भनेका छन् : ‘भ्रमको खेतीमा रमाउनेहरुलाई जानकारी होस् । कम्बोडियामा हुने आइक्यापको १२ औं महाधिवेशनमा भाग लिन नेपालका ५ भन्दा बढी दलका १३ जना जनप्रतिनिधि जाँदैछन् । थप केही भन्नुपर्छ ?’