वनका कर्मचारीले भीरबाट टेम्पो खसालिदिएको घटनामा प्रहरीले थाल्यो अनुसन्धान

सडक किनारमा व्यापार गरेको आरोपमा एउटा टेम्पो धकलेर भीरबाट खसाली दिएको भिडिओ सार्वजनिक भएपछि प्रहरीले त्यसबारे अनुसन्धान अगाडि बढाएको छ।

शुक्रबार दिउँसो जिल्लाको गोदावरी नगरपालिका–४ भीमदत्त राजमार्गअन्तर्गत पर्ने बासपानीमा डिभिजन वन कार्यालयका कर्मचारीले एक जना स्थानीय महिलाको टेम्पो सडक किनारमा बसेर ब्यापार गरेको आरोपमा धकेल्दै भीरबाट खसालिदिएका थिए।