युईएफए महिला च्याम्पियन्स लिगमा वुल्सवर्गको गोल वर्षा

काठमाडौं । युरोपेली महिला फुटबलको शीर्ष प्रतियोगिता युईएफए महिला च्याम्पियन्स लिगमा जर्मनीको वुल्सवर्गले उत्कृष्ट पुनरागमन गरेको छ । सुरुवाती दुई खेल गुमाएको वुल्सवर्गले पछिल्लो दुई खेल भने फराकिलो अन्तरले जितेको छ ।

समूह ए’मा रहेको वुल्सवर्गले गालातासारेसँगको दोस्रो खेलमा ५-० को जित निकाल्यो । यो जितले वुल्सवर्गका लागि अर्को चरण प्रवेशको सम्भावना बढाएको छ । घरेलु मैदानमा यसअघि पनि ५-० ले हारेको गालातासारे अवे मैदानमा समेत ५-० को फराकिलो अन्तरले स्तब्ध हुन पुग्यो ।