जुम्लाका आठवटै स्थानीय तह पूर्ण खोप सुनिश्चितता घोषणा

जुम्लाका आठवटै स्थानीय तह पूर्ण खोप सुनिश्चितता तथा दिगोपना घोषणा भएसँगै जिल्लाले बालस्वास्थ्य सुरक्षातर्फ महत्वपूर्ण उपलब्धि हासिल गरेको छ। जिल्लाको एकमात्र चन्दननाथ नगरपालिका र सात गाउँपालिकाले राष्ट्रिय खोप निर्देशिकाअनुसार आवश्यक मापदण्ड पूरा गरेपछि पूर्ण खोप सुनिश्चितता घोषणा गरेका हुन्।

बिहीबार पातारासी गाउँपालिकालाई औपचारिक रूपमा पूर्ण खोप सुनिश्चितता तथा दिगोपना गाउँपालिका घोषणा गरिएको छ। जिल्ला समन्वय समितिका प्रमुख गौरीनन्द आचार्य, गाउँपालिका अध्यक्ष पूर्णसिंह बोहरा, प्रमुख जिल्ला अधिकारी दीपक पौडेल, जिल्ला जनस्वास्थ्य प्रमुख किरण शर्मा, स्वास्थ्यकर्मी तथा स्थानीयवासीको उपस्थितिमा आयोजित कार्यक्रममा गाउँपालिकालाई पूर्ण खोप सुनिश्चितता घोषणा गरिएको थियो। कार्यक्रममा स्वास्थ्य क्षेत्रको पहुँच विस्तार र बालबालिकाको स्वास्थ्य सुरक्षामा स्थानीय तहको भूमिका प्रभावकारी बन्दै गएको उल्लेख गरिएको थियो।