‘एक पालिका, एक खेल मैदान’ कागजमै सीमित

गलकोट । बागलुङमा खेल पूर्वाधार निर्माणले गति लिन सकेको छैन । खेल पूर्वाधारको योजना बनाएको एक दशक बित्दा समेत खासै प्रगति नदेखिएको हो । स्थानीय तहले ‘एक पालिका, एक खेल मैदान’को अवधारणा ल्याए पनि कार्यान्वयनमा आएको छैन । पूर्वाधार नहुँदा खेल गतिविधि सुस्त छ भने खेलकर्मीहरु निराश छन् ।

बागलुङ नगरपालिका–१ स्थित बाङ्गेचौर खेल मैदानको विस्तृत परियोजना प्रतिवेदन (डिपिआर) बनेको एक दशक बित्न लागेको छ । तर यहाँ तारबार मात्र हालिएको छ । नगरपालिका र सङ्घीय संरकारले बिनियोजन गरेको आठ करोड बजेट फिर्ता गएको छ ।