सम्भल जामा मस्जिदको विवाद के हो र सहरको वातावरण कस्तो छ?

पश्चिमी उत्तर प्रदेशको मुस्लिम बहुल सहर सम्भलको मुटुमा अग्लो ढिस्कामा निर्मित शाही जामा मस्जिद छिमेकको सबैभन्दा ठुलो भवन हो।

अधिकांश हिन्दूहरू मस्जिदको मुख्य ढोकाको अगाडि बस्छन्, जबकि यसको पछाडिको पर्खाल वरिपरि मुस्लिम जनसङ्ख्या छ। अहिले यहाँ ठुलो सङ्ख्यामा प्रहरी बल तैनाथ गरिएको छ र मानिसहरूलाई मस्जिद नजिक आउनबाट रोक लगाइएको छ। तर, मस्जिदमा निर्धारित समयमा प्रार्थना भइरहेको छ।