लोकतन्त्रको रक्षा र राष्ट्रियता संरक्षणमा युवाको भूमिका महत्त्वपूर्ण : मुख्यमन्त्री आचार्य

बुटवल । लुम्बिनी प्रदेशका मुख्यमन्त्री चेतनारायण आचार्यले लोकतन्त्रको रक्षा, राष्ट्रियताको संरक्षण तथा समाज रूपान्तरणमा युवाको भूमिका अत्यन्त महत्त्वपूर्ण रहेको बताएका छन्।

लुम्बिनी प्रदेश स्तरीय युवा सम्मेलन २०८३ को शुक्रबार भालुबाङमा उद्घाटन गर्दै मुख्यमन्त्री आचार्यले प्रदेश सरकारले ल्याएको नीति तथा कार्यक्रममा युवालाई प्राथमिकतामा राखिएको उल्लेख गरे। उनले नीति तथा कार्यक्रमकै आधारमा आगामी बजेट तथा योजना निर्माण गरिने बताउँदै युवामैत्री कार्यक्रमलाई अझ प्रभावकारी बनाइने स्पष्ट पारे।