बैतडीमा ‘मनसुनजन्य विपद् पूर्वतयारी तथा प्रतिकार्य योजना–२०८३’ स्वीकृत

मनसुनका कारण उत्पन्न हुन सक्ने सम्भावित विपद् तथा त्यसबाट हुने क्षति न्यूनीकरणलाई लक्षित गर्दै बैतडीमा ‘मनसुनजन्य विपद् पूर्वतयारी तथा प्रतिकार्य योजना–२०८३’ स्वीकृत गरिएको छ ।

जिल्ला विपद् व्यवस्थापन समितिको शुक्रबार बसेको बैठकले समितिद्वारा तयार पारिएको उक्त योजना अनुमोदन गरेको हो । जिल्ला विपद् व्यवस्थापन समितिका संयोजक तथा प्रमुख जिल्ला अधिकारी डा.डिजन भट्टराईका अनुसार योजनामा विपद् आउनुअघि अपनाउनुपर्ने पूर्वतयारी, विपद्को समयमा सञ्चालन गरिने प्रतिकार्य तथा विपद्पश्चात्‌ गरिने उद्धार, राहत र पुनःस्थापना सम्बन्धी कार्यलाई समेटिएको छ ।