लागूऔषध मुद्दामा मृत्युदण्डको फैसला सुनाइएपछि ‘म निर्दोष छु’ भन्दै कराइन् सारा

इजिप्टको एक अदालतले टेलिभिजन प्रस्तोता सारा खलिफासहित १२ जनालाई लागूऔषध उत्पादन तथा ओसारपसारको आरोपमा मृत्युदण्डको सजाय सुनाएको छ।

३९ वर्षीया खलिफा सुरक्षा र अपराधसम्बन्धी विषयमा आधारित ‘मिसन इम्पोसिबल’ टिभी कार्यक्रमका लागि परिचित थिइन्। कायरो अदालतमा शनिबार सुनाइएको सजायप्रति प्रतिक्रिया जनाउँदै उनले ‘मैले मेरो जीवनमा कहिल्यै चुरोट पिएकी छैन। म भगवानको कसम खान्छु, म निर्दोष छु’ भन्दै कराएकी थिइन्।