गुजरातमा डुंगा डुब्दा १२ विद्यार्थीसहित १४ जनाको मृत्यु

५ माघ, काठमाडौं । भारत गुजरातको एक तलाउमा डुंगा डुब्दा १२ विद्यार्थीसहित १४ जनाको मृत्यु भएको छ । गुजरातको बडोदरास्थित हरनी तलाउमा घुम्न भनेर गएका शिक्षक र विद्यार्थीहरु दुर्घटनामा परेका हुन् ।

प्रत्यक्षदर्शीका अनुसार डुंगा खचाखच भरिएको थियो । डुंगामा चढेकाहरुले लाइफ ज्याकेट पनि नलगाएकाले धेरै मानवीय क्षति भएको बताइएको छ । १२ विद्यार्थी र २ शिक्षकको मृत्यु भएको तथा तीन जना अझै हराइरहेको भारतीय मिडियाहरुले उल्लेख गरेका छन् ।