जीतपुरसिमरामा प्रयोगशालासहितको कृषि तथा पशु सेवा केन्द्र निर्माण गर्न प्रधानमन्त्रीसँग माग

बारा । जीतपुरसिमरा उपमहानगरका नगरप्रमुख राजन पौडेलले उपमहानगरभित्र प्रयोगशालासहितको एकीकृत कृषि तथा पशु सेवा केन्द्र निर्माण गरिदिन प्रधानमन्त्री पुष्पकमल दाहाल प्रचण्डसँग आग्रह गरेका छन् । माओवादी पार्टीको मधेस प्रदेश भेलामा नगरप्रमुख पौडेलले बाराको जीतपुरसिमरामा आधुनिक प्रयोगशाला सहितको पशु तथा कृषि सेवा केन्द्र निर्माण गरिदिन लिखित रूपमै आग्रह गरेका हुन् ।

यसअघि पुस १० गते प्रधानमन्त्री प्रचण्डले राष्ट्रको नाममा सम्बोधन गर्ने क्रममा आगामी असार मसान्त सम्म देशभर ३० वटा प्रयोगशाला सहितको कृषि तथा पशु सेवा केन्द्र निर्माण सम्पन्न गर्ने घोषणा गरेका थिए ।