भ्रष्टाचार प्रोत्साहन गर्ने कानुन निर्माता

प्रारम्भ

मुलुकमा भुटानी शरणार्थीहरूको नक्कली फेहरिस्त तयार पारी ठूलो रकम भ्रष्टाचार गर्ने र संगठित अपराध एवं ठगी गर्ने माफियाको गिरोहलाई सरकारले परिचालन गरेको पाइएको छ । भूतपूर्वमन्त्री, भूतपूर्व तथा वर्तमान प्रधानमन्त्री, राजनीतिक दलका शीर्शस्थदेखि उच्च प्रशासकसमेत खुलेयाम भ्रष्टाचारमा संलग्न भएका देखिएको छ । मुलुकमा भएका ठूलाठूला भ्रष्टाचारका काण्डलाई संविधानविपरीतको कानुन निर्माण गर्दै कारबाहीबाट उन्मुक्ति दिने कार्यले निरन्तरता पाइराखेको छ । यस अवस्थामा हाम्रा कानुन निर्माताले ठूला भ्रष्टाचारजन्य मामिलालाई उन्मुक्ति दिने प्रकारले संसद्मा निर्णयहरू गर्दै आएका छन् ।