जसपा नेपालको दलको नेतामा पूर्व मुख्यमन्त्री यादव चयन

जनकपुरधाम – जनता समाजवादी पार्टी (जसपा) नेपाल मधेस प्रदेशको संसदीय दलको नेतामा पूर्व मुख्यमन्त्री सरोजकुमार यादव चयन भएका छन्।

बिहीबार उनी सर्वसम्मत रूपमा दलको नेतामा चयन भएका हुन्। जसपा नेपाल र लोकतान्त्रिक समाजवादी पार्टीबीच एकता भए पनि प्रदेशमा एकता नभएका कारण दुवै दलको छुट्टाछुट्टै संसदीय दलको कार्यालय थियो । तर प्रदेश स्तरमा समेत दुवै दलबीच एकताको टुङ्गो लागिसकेपछि दलको नेतामा यादवलाई चयन गरिएको हो।