अमेरिका र चीनका रक्षामन्त्रीबीच १८ महिनापछि वार्ता

अमेरिकी रक्षामन्त्री लोयड अस्टिनले आफ्ना चिनियाँ समकक्षी डोङ जुनसँग मंगलबार टेलिकन्फरेन्सको सहयोगमा आपसी चासोका विषयमा छलफल गरेको पेन्टागनले जनाएको छ ।

संयुक्त राज्य अमेरिकाले चीनको बढ्दो प्रभावको सामना गर्न एसिया–प्रशान्त क्षेत्रमा आफ्ना सहयोगीहरूसँग सुरक्षा सहयोगलाई मजबुत बनाउन काम गरिरहेको छ । तर, तनावलाई नियन्त्रण बाहिर जानबाट रोक्न बेइजिङसँग सञ्चारको मार्ग पनि कायम राख्न चाहन्छ ।