ब्राजिलमा बन्जी जम्पका क्रममा डोरी बाँध्न बिर्सिएर पुलबाट खसाउँदा युवतीको मृत्यु

साओ पाउलो । ब्राजिलमा बन्जी जम्प गर्ने क्रममा डोरी नै नबाँधी पुलबाट खसाउँदा एक २१ वर्षीया युवतीको मृत्यु भएको छ। ब्राजिलको साओ पाउलो राज्यस्थित लिमेइरामा रहेको स्केलेटन ब्रिजमा कर्मचारीहरूको गम्भीर लापरबाहीका कारण यो दुःखद घटना भएको हो ।

बन्जी जम्प गराउने कर्मचारीहरूले सुरक्षा डोरी युवतीको शरीरमा बाँध्न बिर्सिएरै उनलाई पुलबाट तल खसालेका थिए। विभिन्न कोणबाट खिचिएको भिडियो फुटेजमा दुई जना कर्मचारीले २१ वर्षीया मारिया एडुआर्डा रोड्रिग्स डे फ्रिटासलाई बोकेर पुलको किनाराबाट तल फ्याँकेको देखिन्छ।