महिला टी–ट्वान्टी विश्वकप: इंग्ल्यान्डलाई हराउँदै अस्ट्रेलियाले जित्यो उपाधि

काठमाडौँ । आइसिसी महिला टी–ट्वान्टी विश्वकपको फाइनल खेलमा इंग्ल्यान्डलाई ७ विकेटले पराजित गर्दै अस्ट्रेलियाले उपाधि जितेको छ । इंग्ल्यान्डले दिएको १५१ रनको लक्ष्य अस्ट्रेलियाले १७.१ ओभरमा मात्र ३ विकेट गुमाएर पूरा गर्‍यो ।

१५१ रनको लक्ष्य पछ्याउने क्रममा अस्ट्रेलियाले १७ बल बाँकी छँदै १५३ रन बनाएर जित सुनिश्चित गर्‍यो । अस्ट्रेलियाका लागि ओपनर बेथ मुनीले ४९ बलमा १० चौकाको मद्दतले ६४ रनको उत्कृष्ट अर्धशतकीय इनिङ्स खेलिन् । त्यस्तै, फोबी लिचफिल्डले ३५ बलमा ४८ रनको महत्त्वपूर्ण योगदान दिइन् भने एलिस पेरी १३ रनमा अविजित रहिन् ।