६५ हजारमा आईफोन-१५ प्रो म्याक्स दिने प्रलोभन २ सय जनालाई ठगी

काठमाडौँ । ‘साकिर मोबाइल’ नामको फेसबुक र टिकटक अकाउन्टमा निकै सस्तो मूल्यमा आईफोन पाइने विज्ञापन आयो। काठमाडौँमा एउटा कम्पनीमा काम गर्ने एकजना व्यक्तिले ६५ हजार रुपैयाँमा आईफोन–१५ प्रो म्याक्स पाइने उक्त विज्ञापन हेरे।

अनि, त्यही विज्ञापनमार्फत उनी विक्रेताको सम्पर्कमा पुगे। विज्ञापनमा सो मोबाइल पसल कपिलवस्तुको तौलिहवामा रहेको उल्लेख गरिएको थियो।