समदुरीलाई ख्याल गर

पछिल्लो समय दुई छिमेकी देश भारत र चीनका शीर्ष नेताको नेपाल भ्रमण बाक्लो हुँदै जान थालेको छ । छिमेकीसँगको सम्बन्धमा गाढापन आउनु र भेटघाट बाक्लो हुँदै जानु राम्रो कुरा हो । यसले मित्रता प्रगाढ बनाउँछ भने भएगरेका कमीकमजोरी समयमै सच्याउने तथा अघि बढ्ने मौका र अवसर पनि प्रदान गर्दछ । भेटघाटका क्रममा नेताले आपसीसम्बन्ध विस्तार नै भएको कुरामा जोड दिएका छन् । त्यसो त नेपालका नेतातथा सरकार प्रमुख पनि दुवै छिमेकी देशसँगको भेटघाटमा व्यस्त नै छन् । भेटघाट एकपछि अर्को गरी लगालग भइरहेको देखिन्छ ।

छिमेकी देशको नेपालसँगको सम्बन्ध बहुआयामिक छ । नेपाल पनि भूरणनीतिक महŒवको स्थानमा अवस्थित छ । त्यसमाथि उत्तर तथा दक्षिणका दुवै छिमेकी देश विश्वका महाशक्तिका दावेदारको हैसियत बनाउँदै अघि बढिरहेकाले पनि नेपालसँगको सम्बन्धमा केही नवीनतम् कडीहरू जोड्न आवश्यक भइरहेको देखिन्छ । समय बदलिँदो छ । पछिल्लो समयमा त विश्वमा अनिश्चितता पो आउने हो कि भन्ने भयले पनि केही बढी काम गरिरहेको छ ।