विराट चम्किँदा रोहित फ्लप

बैंग्लुरु । विराट कोहली र रोहित शर्माबीचको भीडन्तको रुपमा व्याख्या गरिएको खेलको निर्णय झण्डै एकतर्फी रह्यो । रोयल च्यालेन्जर्स बैंगलोरले मुम्बई इन्डियन्सलाई २२ बल बाँकी रहँदा ८ विकेटले पराजित गरेको हो ।

आइतबार बेङ्लोरमा भएको उक्त खेलमा विराट कोहली (नटआउट ८२ रन) ले ब्याटिङमा जादू देखाए भने रोहित शर्मा ब्याटिङ र कप्तानी दुवैमा असफल भए । मुम्बई इन्डियन्सले सन् २०१२ पछि हरेक सिजनको पहिलो खेलमा हार बेहोर्ने शृङ्खला कायम राखेको छ।