गगनलाई केदार कार्कीको प्रश्न : क्रियाशील खाेस्ने आट कहाँबाट आयो ?

३१ जेठ, विराटनगर । नेपाली कांग्रेस नेता तथा कोशी प्रदेशका पूर्वमुख्यमन्त्री केदार कार्कीले पार्टीका पुराना र निष्ठावान कार्यकर्ताहरूलाई पाखा लगाउने नेतृत्वको कदम सच्याउनु पर्ने बताएका छन् ।

विराटनगरमा आयोजित इतर पक्षको भेलालाई सम्बोधन गर्दै कार्कीले सिद्धान्त बोकेका कार्यकर्ताको क्रियाशील सदस्यता खारेज गर्ने आँट निरंकुश राणा र राजाहरूमा समेत नभएको बताए । ‘राणा र राजामा नभएको आँट सभापतिमा कहाँबाट आयो ?’