टर्कीमाथि वेल्सको रोमाञ्चक जित, पेनाल्टीमा चुके बेल

यूईएफए युरो कप अन्तर्गत आज सम्पन्न दोस्रो खेलमा वेल्सले टर्कीमाथि जित निकालेको छ। बाकु इन्टरनेशनल स्टेडियममा सम्पन्न खेलमा वेल्सले टर्कीमाथि २-० को जित निकालेको हो।

खेलको ४३ औं मिनेटमा आरोन रामसेले गोल गर्दा वेल्सले खेलमा अग्रता बनाएको थियो। पहिलो हाफमा एक गोलले अघि रहेको वेल्सका कप्तान ग्यारिथ बेलले खेलको ६१ औं मिनेटमा पेनाल्टीमा पाएको अवसर गुमाएका थिए। उनको प्रहार गोलपोस्ट माथिबाट गएको थियो। यद्यपि इन्ज्युरी समयमा उनले गोल गर्दै वेल्सलाई २-० को जित दिलाउन सफल भए। खेलको अन्तिम समयमा खेलाडीबीच ठेलाठेलको अवस्था बन्दा टर्की र वेल्समा समान २/२ जना खेलाडीले पहेँलो कार्ड पाएका थिए।