लगानी, समावेशिता र प्रतिफल

नेपालमा वैदेशिक लगानीको आकर्षण बढ्दै गएको देखिन्छ । तथापि, वास्तविक लगानी भई उत्पादन हुने स्थिति कम छ । लगानी बढ्दै गएको देखिए पनि तदनुरूप निर्यात पर्याप्त भएको छैन । नेपालको अर्थतन्त्र क्षेत्रीय अर्थतन्त्रको दाँजोमा खुला भएको देखिँदैन । अमेरिका–युरोपजस्ता धेरैजसो बाहिरी बजारमा संकट भए पनि एसिया प्रशान्त क्षेत्रमा व्यापार र लगानीको क्रियाकलापमा भने सुधार भएको देखिन्छ ।

विश्व अर्थतन्त्रमा संकुचन आए पनि एसिया–प्रशान्त क्षेत्रमा लगानी सन्तोषजनक रहेको देखिएको छ । विश्को एक तिहाइ वैदेशिक लगानी एसिया–प्यासिफिक क्षेत्रमा रहेको देखिन्छ । यस्ता क्षेत्रमा वैदेशिक लगानी बर्सेनि १० प्रतिशतले बढ्दै गएको छ । यी देशमा मुख्यतः चीन र आसियानमा प्रवाह भएको वैदेशिक लगानी सबैभन्दा उच्च छ ।