सत्ताले प्रतिपक्षलाई सिध्याउने प्रवृत्ति रोकौँ, इतिहासबाट सिकौँ: सुशीला कार्की [भिडियो]

काठमाडौँ । पूर्वप्रधानमन्त्री सुशीला कार्कीले सरकारले सत्ता र शक्तिको दुरुपयोग गरेर प्रतिपक्षलाई निमिट्यान्न पार्ने खेलमा लाग्न नहुने बताएकी छन् । शुक्रबार काठमाडौँमा आयोजित एक कार्यक्रममा बोल्दै उनले आफू सत्तामा पुगियो भन्दैमा अर्को पक्षलाई पूरै नास्नामुद गराउने मनसाय राख्नु लोकतान्त्रिक प्रणालीका लागि हितकर नहुने स्पष्ट पारिन् ।

पूर्वप्रधानन्यायाधीश कार्कीले वर्तमान प्रधानमन्त्री बालेन्द्र साह र सत्तारूढ राष्ट्रिय स्वतन्त्र पार्टी (रास्वपा) का युवा नेताहरूलाई देशको राजनीतिक इतिहास र पुराना अनुभवहरूलाई मनन गरेर मात्र अघि बढ्न विशेष सुझाव दिइन् ।